السبت، 22 أغسطس 2009

مش عايزة

مش عايزة اعيش علي طول اضحك

مش عايزة طريقي يكون مبسط

مش عايزة حياتي تكون سهله

مش عايزة الاحزان تفارقني

مش عايزة غير اني اطمن

علي اهلي وناسي واصحابي

مش عايزة المصلحه كلها ليا

عايزة اشارك الناس شويه

مش عايزة حتي اخرج بره

مش عايزة لا شمعه

ولا قلب احمر

انا بجد عايزة اكون حره
خايفه افضل علي طول خايفه


خايفه من بكره


خايفه اضحك وارجع ابكي


خايفه احلم وما احققش


خايفه افكر وما اوصلش


خايفه الوقت ياخدني وما اتقدمش


خايفه اكون علي طول خايفه


خايفه الناس حواليه ما تقدرش


خايفه افرح لا الحزن يجيني


خايفه تضيع مني سنيني


خايفه لا حياتي ما تتحسنش


خايفه و اه من الخوف علي طول


خايفه افضل افكر افكر


خايفه اكون غير منا بتمني


خايفه طريقي ما يكنش لجنه


خايفه عمري يضيع من غير فايده


خايفه اكون علي طول كده خايفه

الأربعاء، 12 أغسطس 2009

زجل........تشاؤم

ده بئا زجل ويارب يعجبكم بردو


احلم يا قلبي مش حرام انك تحلم

احلم متخفش ده الشئ الوحيد الي من حقك

لو مش حتحلم مش حعيش بعدها

واديني عايشه وأهي ماشيه

وكله بستره

لازم نرضي بالنصيب

والي ما رضاش مغيرش النصيب

نرضي في الدنيا نكسب رضا الله في الاخره

ايام ماشيه وبتعدي

اديني عايشه واهي ماشيه وكله بستره

حغضب وحزعل ليه؟

والي غضب قبلي حصله ايه؟!

غير الزعل ولا كتر الفرح ؟!

مش حيقدر يغير القدر

علي رأى الكبير الدنيا مسرح كبير

و كلنا لينا ادوار

وكلنا علي المسرح طالعين

عالمسرح في ألي باين اوي

في وش الجمهور

وفي ألي بيطلع دور صغير

و الناس تنسي شكله

وفي ألي بيحاول يبان

ولا الناس تشوفه

وفي النهايه يكفيه شرف المحاوله

اديني عايشه وأهي ماشيه

وكله بستره

الحياه بتدي

و بتاخد كتير

والاسم انها بتدي

وبردو ولا شئ في يدي





البدايه و شعر عامى


اول مره وعايزه رايكم بجد
اول مره اعرض كتاباتي ياريت تعجبكم وعايزه رايكم في اول قصيده اكتبها

الاسم :اختيار



لما تكون في موقف ولازم تختار

ومنتش لاقي قدامك اي اختيار

لما تكون في فرح والدموع في عنيك

ولما تكون في ميتم والضحكه جوه عنيك

لما قلبك يرقص لفرحه صحبك

لما تلاقي نفسك متنح قدام مشكلتك

باصص لحالك كانك انسان متحول

لا فاهم حاجه ولا عارف حاجه

عايش لغيرك ومش لاقي نفسك

ولا مع غيلاك ولا حتي مع نفسك

نفسك تعمل لنفسك كيان

مش قادر تبص لقدام

مش عارف نفسك

اختيارك صح او يمكن غلط

حاول واختار الصح

حتي لو عاجبك الغلط

اتصرف بسرعه قبل العمر ما يجري

قبل ما تلاقي ان فعلا

مفيش اختيار.