ده بئا زجل ويارب يعجبكم بردو
احلم يا قلبي مش حرام انك تحلم
احلم متخفش ده الشئ الوحيد الي من حقك
لو مش حتحلم مش حعيش بعدها
واديني عايشه وأهي ماشيه
وكله بستره
لازم نرضي بالنصيب
والي ما رضاش مغيرش النصيب
نرضي في الدنيا نكسب رضا الله في الاخره
ايام ماشيه وبتعدي
اديني عايشه واهي ماشيه وكله بستره
حغضب وحزعل ليه؟
والي غضب قبلي حصله ايه؟!
غير الزعل ولا كتر الفرح ؟!
مش حيقدر يغير القدر
علي رأى الكبير الدنيا مسرح كبير
و كلنا لينا ادوار
وكلنا علي المسرح طالعين
عالمسرح في ألي باين اوي
في وش الجمهور
وفي ألي بيطلع دور صغير
و الناس تنسي شكله
وفي ألي بيحاول يبان
ولا الناس تشوفه
وفي النهايه يكفيه شرف المحاوله
اديني عايشه وأهي ماشيه
وكله بستره
الحياه بتدي
و بتاخد كتير
والاسم انها بتدي
وبردو ولا شئ في يدي
صباح الخير
ردحذفايه التشاؤم ده كله
ده كلام جااااااااامد اوي
ان شاء الله تحبي جو التدوين وتتفائلي بعد كده
علي فكرة انا ضيفت مدونتك عندي ابقي زوريني
ردحذفhttp://mengdeed.blogspot.com/
و الله كبدايه مش وحشه أبدا ..
ردحذفبس أنتى طلبتى الرأى بصراحه فى البوست اللى قبل ده ..
يبقى اٍسمحى لى أقولك رأيى بصراحه .. مطلوب دراسه متأنيه و وافيه و عن فهم لعلم العروض ..
لأنك مهما كنتى بتكتبى بالعاميه المصريه لكن الحفاظ على الوزن مهم جدا جدا و أحيانا بينكسر منك الوزن أكيد مش لضعف اللغه عندك و لكن بسبب علم العروض ..
ضفت مدونتك عندى و أشكرك لاٍضافتك مدونتى عندك و أتمنى قراءة أعمال جديده و بالمناسبه الفكره اللى بتناقشيها فى البوست ده فكره عميقه جدا و حيرت قبلك الكتير من الفلاسفه الكبار فعاوز أحييكى على شجاعتك فى اٍقتحام هذا الموضوع ..
تقبلى تحياتى و تقديرى ..
شكرا انا مش بزعل من الرأي بصراحه لاني فعلا لسه ببدا بس كلامك بيبين ان في امل
ردحذف